عن هذا الكورس
✅ فى المستوى الاول يتعرف الطالب على جميع العناصر الإلكترونية وخصائصها وإزاى يستخدمهم فى تنفيذ أى فكرة تيجى فى دماغه بسهولة .
بنستخدم هنا ألعاب تكنولوجية أمنة جدا ومصممة بإحترافية عشان يستقبل المعلومة وهو فى نفس الوقت بيلعب ومستمتع • ومش زهقان من التراك •
بتكون دى حجر الأساس فى تعلم وتنفيذ كل المشاريع والأفكار الإبداعية فى الميستقبل لان كلها بتتكون من العناصر الإلكترونية دى •
✅ المستوى الثانى = هنا الطالب بيبدا يدخل تراك الكنترول ومعرفة أساس كل الأفكار والمشاريع الـ حواليه . زى أشارة المرور + وإنذار السرقة والبيوت الذكية وانظمة الأمان والحماية من السرقة .
بيكون قادر على تنفيذ اول مشاريع حياته وفهم فكرتها العلمية والعملية •
الطالب بيستخدم الـ اتعلمه فى المستوى ده فى تنفيذ فكرته الخاصة والـ كان محتاج بعض المفاهيم العلمية عشان تكتمل فى دماغه ويبدا ينفذها مع مدربينه •
✅ فى المستوى الثالث = بعد ما اتعرفنا على الكنترول والحساسات -
( حساس الغاز + حساس المسافة + حساس الحركة . وغيرهم ... )
دلوقت لازم نتعلم ازاى نبرمج كل حساس فيهم ونستخدمه فى تنفيذ مشروعنا ♥
الطالب بيكون قادر فى المستوى ده على تصميم مشروع البيت الذكى + مشروع جهاز انذار السرقة + مشروع عصا الأعمى - مشروع اشارات المرور •
✅ فى المستوى الرابع = بدل ما نشترى العربية نلعب بيها - إيه رايك إبنك يعملها بنفسه ♥
هنا الطالب بيبدا يتعرف على كل أساسيات صناعة السيارات الكهربية بالكامل ويجمع مكوناتها بايده بعد ما يعرف ويفهم اسم كل جزء فيها وإيه فايدته .
بعدين يتعلم إزاى يتحكم فيها ويحركها عن بعد بإستخدام أبلكيشن على الموبايل .
بيتم عمل مسابقات محلية ودولية فى هذا المستوى بين الطلاب وبعضهم ♥
✅ فى المستوى الخامس = علم الروبوتات هو علم المستقبل الـ لازم أطفالنا وشبابنا يكونو على علم كامل بيه .
عملنا مستوى كامل لصناعة الروبوت والتصميم الميكانيكى له .
هنا بيتعلم الطالب مكونات الروبوت وكيفية تجميعها والوظيفة ال بيقوم بيها كل جزء من اجزاء الروبوت . وإزاى ممكن نستخدم الروبوت فى حل مشكلاتنا اليومية •
الطالب بعد المستوى ده بينفذ أول روبوت فى حياته .
كمان يقدر ينفذ اى روبوت لأداء مهمة معينة •
